მატერიაში გაცოცხლებული არტეფაქტები: კოსტიუმი, როგორც სკულპტურა და მოძრავი ხელოვნება

კურსი განკუთვნილია:

• უმაღლესი სასწავლებლების სახელოვნებო მიმართულების სტუდენტებისთვის;
• დამწყები და განვითარებადი ხელოვანებისთვის;
• ქმედითი ხელოვნების წარმომადგენლებისა (პერფორმერებისა) და მსახიობებისთვის;
• კოსტიუმისა და მოდის დიზაინერებისთვის;
• მოქანდაკეებისთვის;
• ინტერდისციპლინურ სფეროში მომუშავე შემოქმედებისთვის.

პროგრამა განსაკუთრებით საინტერესო იქნება მათთვის, ვისაც სურს საკუთარი შემოქმედებითი თვალსაწიერის გაფართოება ექსპერიმენტული მეთოდებით, რომლებიც აერთიანებს სახვით ხელოვნებას, პერფორმანსს, მასალის კვლევასა და სხეულზე დაფუძნებულ პრაქტიკას.

კურსზე დასასწრებად სამოსის დიზაინის, ქანდაკების ან პერფორმანსის სფეროში წინასწარი გამოცდილებასავალდებულო არ არის.

სასურველია მონაწილეს ახასიათებდეს:

• ღრმა ინტერესი თანამედროვე ხელოვნებისა და შემოქმედებითი ექსპერიმენტების მიმართ;
• ინტერდისციპლინურ გარემოში მუშაობის სურვილი;
• მზაობა იდეურ მუშაობაში, სახელოსნო პროცესში, მოძრაობის სავარჯიშოებსა და ჯგუფურ განხილვებშიაქტიური მონაწილეობისთვის.

სახვით ხელოვნებაში, მოდაში, თეატრში, ცეკვასა თუ ქმედით ხელოვნებაში მიღებული გამოცდილებაჩაითვლება უპირატესობად, თუმცა აუცილებელი არ არის.

კურსის მთავარი მიზანია, მონაწილეებს შესთავაზოს კოსტიუმის, როგორც სკულპტურული დაპერფორმატიული მედიუმის (გამომსახველობითი საშუალების), საფუძვლიანი გააზრება შინაარსობრივიკვლევის, მასალებთან ექსპერიმენტისა და სხეულზე დაფუძნებული პრაქტიკის სინთეზით.

კურსის განმავლობაში მონაწილეები განივითარებენ შემდეგ უნარებს:

• იდეის განვითარება — პირადი გამოცდილების, მითოლოგიის, რიტუალების, იდენტობისა დაკულტურული წყაროების გარდაქმნა ორიგინალურ მხატვრულ იდეებად;
• სკულპტურული კოსტიუმის შექმნა — ტანზე მოსარგები ფორმების პროექტირება და კონსტრუირებასხვადასხვა მასალის, ტექსტილის, რბილი სკულპტურის, კარკასებისა და არატრადიციულინივთიერებების გამოყენებით;
• სხეულზე დაფუძნებული პრაქტიკა — მოძრაობის, ხმის, ყოფნისა და თხრობის გამოყენება კოსტიუმის„გასაცოცხლებლად“;
• მასალის კვლევა — მასალის სიმბოლური, შეხებითი (ტაქტილური) და იდეური პოტენციალის გააზრება;
• კრიტიკული ანალიზი — ანალიტიკური უნარების განვითარება დისკუსიების, ინდივიდუალურიკონსულტაციებისა და კოლეგიური შეფასებების მეშვეობით;
• საჯარო წარდგენა — საბოლოო ნამუშევრის შექმნა და პრეზენტაცია ცოცხალი ჩვენების, ინსტალაციისან ვიდეოს სახით.

კურსის დასრულების შემდეგ მონაწილე:

• შექმნის ორიგინალურ, სხეულზე მოსარგებ სკულპტურულ ნამუშევარს;
• შეიძენს პრაქტიკულ უნარებს სკულპტურული კოსტიუმის კონსტრუირებასა და სხვადასხვა მასალასთანმუშაობაში;
• მიიღებს გამოცდილებას მოძრაობასა და ქმედით ხელოვნებაზე (პერფორმანსზე) დაფუძნებულპრაქტიკაში;
• გააცნობიერებს კოსტიუმის ისტორიულ და თანამედროვე როლს რიტუალში, პერფორმანსსა და სახვითხელოვნებაში;
• მოამზადებს დოკუმენტირებულ მხატვრულ პროექტს პროფესიული პორტფოლიოსთვის;
• განივითარებს საკუთარი მხატვრული იდეების სიტყვიერად და ვიზუალურად პრეზენტაციის უნარს.

კურსი ეფუძნება პრაქტიკულ პრინციპს „პრაქტიკაზე დაფუძნებული სწავლება“ (Learning by Doing) და აერთიანებს თეორიულკვლევას, ინტენსიურ სახელოსნო მუშაობასა და სხეულზე დაფუძნებულ ექსპერიმენტებს.

სწავლების მეთოდები მოიცავს:

• ლექციებსა და ვიზუალურ პრეზენტაციებს;
• პრაქტიკულ ვორქშოფებს სახელოსნოში;
• სკულპტურული და ტექსტილური ტექნიკების ჩვენებას;
• მოძრაობისა და სხეულის პრაქტიკის ლაბორატორიებს;
• ხმისა და თხრობის (ნარატივის) სავარჯიშოებს;
• ინდივიდუალურ მენტორობას/კონსულტაციებს;
• ჯგუფურ კრიტიკასა და დისკუსიებს;
• ერთობლივ ექსპერიმენტებსა და კოლეგიურ სწავლებას.

• ლექციები და სემინარები;
• სახელოსნო პრაქტიკა;
• მასალების ექსპერიმენტული ვორქშოფები;
• მოძრაობისა და სხეულის ლაბორატორიები;
• ხმისა და პერფორმანსის პრაქტიკა;
• ინდივიდუალური კონსულტაციები;
• ჯგუფური განხილვები და კრიტიკა;
• საჯარო ფინალური პრეზენტაცია, ინსტალაცია ან ვიდეოჩვენება.