Terms and Conditions

ზოგადი დებულება

1. წინამდებარე წესებისა და პირობების დოკუმენტი (შემდგომში „დოკუმენტი“) არეგულირებს ურთიერთობას კურსის ორგანიზატორსა (შემდგომში „ორგანიზატორი”) და სასწავლო კურსში მონაწილეს (შემდგომში – „მონაწილე“) შორის, მათ შორის კურსზე რეგისტრაციასთან, მონაწილეობასთან და თანხის გადახდასთან დაკავშირებულ სხვა საკითხებს.
2. კურსზე რეგისტრაცია და ვებ-გვერდზე თანხის გადახდა ნიშნავს წინამდებარე დოკუმენტის, ასევე ორგანიზატორის პერსონალურ მონაცემთა დამუშავებისა და კონფიდენციალურობის პოლიტიკის დოკუმენტის სრულ და უპირობო გაცნობასა და მიღებას. თუ მონაწილე არ ეთანხმება რომელიმე პირობას, ის ვერ მიიღებს კურსზე მონაწილეობას.
3. ორგანიზატორი იტოვებს უფლებას ნებისმიერ დროს, ცალმხრივად და მონაწილესთან დამატებითი შეთანხმების გარეშე შეიტანოს ცვლილება წინამდებარე დოკუმენტში. არსებითი ცვლილებების შესახებ ინფორმაციას კურსზე უკვე დარეგისტრირებული მონაწილე მიიღებს შესაბამისი საკომუნიკაციო საშუალებებით (ელ-ფოსტის მეშვეობით ან/და ტელეფონის ნომერზე შეტყობინებით). შეცვლილი დოკუმენტის გამოქვეყნების შემდეგ ვებ-გვერდის შემდგომი გამოყენება ან ახალ კურსზე რეგისტრაცია ნიშნავს განახლებული დოკუმენტის მიღებას.
4. კურსის სახელწოდებაა: ქანდაკებისა და პლასტიკური ფორმის მოდელირების კურსი „360 გრადუსი“ (შემდგომში „კურსი“)
5. კურსის ჩატარების ადგილმდებარეობა: ფექთორი თბილისის სივრცე, ა. წერეთლის გამზირი N114, თბილისი, საქართველო. ორგანიზატორს უფლება აქვს, საჭიროების შემთხვევაში, შეცვალოს კურსის ჩატარების ადგილმდებარეობა. აღნიშნული ცვლილების შესახებ ორგანიზატორი ვალდებულია გონივრული ვადით ადრე შეატყობინოს მონაწილეს. კურსის ადგილმდებარეობის ცვლილება არ ითვლება კურსის ხარისხისა და ხელმისაწვდომობის გაუარესებად.
6. კურსს გაუძღვებიან ხელძღვანელები/ტრენერები: მამუკა ჩხაიძე და ვლადიმერ იმერლიშვილი. ორგანიზატორი უფლებამოსილია, შეცვალოს ან დაამატოს ტრენერი, რაც არ წარმოადგენს დოკუმენტის არსებით პირობათა დარღვევას და არ წარმოშობს მონაწილის მხრიდან თანხის დაბრუნების მოთხოვნის უფლებას.

კურსზე რეგისტრაციისა და მონაწილეობის პირობები

1. კურსზე რეგისტრაცია შესაძლებელია 16 (თექვსმეტი) წლის ასაკიდან.
2. 16-დან 18 წლამდე ასაკის მონაწილეებისთვის კურსზე რეგისტრაციისთვის სავალდებულოა მშობლის ან კანონიერი წარმომადგენლის წერილობითი თანხმობა. ორგანიზატორი უფლებამოსილია თავად გადაწყვიტოს მშობლის/კანონიერი წარმომადგენლის მიერ თანხმობის მოპოვების ფორმა. ორგანიზატორი უფლებამოსილია მოითხოვოს კანონიერი წარმომადგენლობის დამადასტურებელი დოკუმენტაცია და სათანადოდ გაფორმებული თანხმობის არარსებობის შემთხვევაში, უარი თქვას პირის კურსზე რეგისტრაციასა ან/და მონაწილეობაზე.
3. რეგისტრაცია დასრულებულად და კურსზე ადგილი დაჯავშნილად ითვლება მხოლოდ კურსის სრული საფასურის გადახდის დადასტურების შემდეგ. მხოლოდ სარეგისტრაციო ფორმის შევსება გადახდის გარეშე, არ წარმოშობს ორგანიზატორის რაიმე ვალდებულებას მონაწილის მიმართ და არ იძლევა ადგილის დაჯავშნის გარანტიას.
4. ჯგუფში მონაწილეთა მაქსიმალური რაოდენობაა 10 (ათი) მონაწილე. ჯგუფში ადგილის დაკავება ხდება რეგისტრაციის განაცხადისა და საფასურის სრული გადახდის დადასტურების თანმიმდევრობის მიხედვით („ვინც უფრო ადრე“ / „First come, first served” პრინციპი). ორგანიზატორს უფლება აქვს, ადგილების ამოწურვის შემთხვევაში, უარი უთხრას განმცხადებელს რეგისტრაციაზე ან შესთავაზოს რეგისტრაცია მომდევნო ჯგუფში (ასეთის არსებობის შემთხვევაში).
5. მონაწილე თავად არის პასუხისმგებელი მის მიერ მოწოდებული მონაცემების სიზუსტესა და სისწორეზე. ნებისმიერი მონაცემის ცვლილების შემთხვევაში, მონაწილე ვალდებულია დროულად აცნობოს ორგანიზატორს აღნიშნულის შესახებ.

კურსის საფასურის გადახდის პირობები

1. კურსის სრული საფასური გადაიხდება რეგისტრაციის განხორციელებისთანავე, თუ ორგანიზატორის მიერ წერილობით სხვა პირობა არ იქნა შეთავაზებული და დადასტურებული.
2. გადახდა ხდება ორგანიზატორის ვებ-გვერდის მეშვეობით, ლიცენზირებული საგადახდო სისტემის პროვაიდერის საშუალებით. გადახდასთან დაკავშირებული პერსონალური მონაცემების დამუშავება რეგულირდება ორგანიზატორის კონფიდენციალურობის პოლიტიკით.
3. გადახდის პირობების დარღვევის შემთხვევაში, ორგანიზატორს აქვს უფლება ავტომატურად გააუქმოს ჯავშანი. გადახდილი თანხის დაბრუნება ხდება წინამდებარე დოკუმენტის მე-4 (მეოთხე) პუნქტის შესაბამისად.
4. კურსის საფასურში იგულისხმება მხოლოდ ის მომსახურება და მასალები, რომლებიც პირდაპირ არის მითითებული კურსის აღწერილობაში. დამატებითი მასალის, ინსტრუმენტის ან მომსახურების ღირებულება, საჭიროების შემთხვევაში, დამატებით ანაზღაურდება მონაწილის მიერ.

თანხის დაბრუნების პოლიტიკა

1. იმ შემთხვევაში, თუ მონაწილეს სურს კურსზე რეგისტრაციის გაუქმება, ის ვალდებულია წერილობით (ელ-ფოსტის მეშვეობით, ორგანიზატორის მითითებულ საკონტაქტო მისამართზე) მიმართოს ორგანიზატორს. კურსის გაუქმების თარიღად ითვლება წერილობითი მოთხოვნის ორგანიზატორთან გაგზავნის თარიღი.
2. კურსზე რეგისტრაციის გაუქმება არ წარმოადგენს თანხის სრულად ან ნაწილობრივ დაბრუნების ავტომატურ საფუძველს. თანხის დაბრუნება ხდება მხოლოდ წინამდებარე დოკუმენტით პირდაპირ გათვალისწინებულ შემთხვევებში და ორგანიზატორის მიერ განსაზღვრული მოცულობით.
3. საქართველოს კანონმდებლობის შესაბამისად, მონაწილეს უფლება აქვს, ონლაინ რეგისტრაციიდან 14 (თოთხმეტი) კალენდარული დღის განმავლობაში, უპირობოდ გააუქმოს რეგისტრაცია და მოითხოვოს თანხის სრულად დაბრუნება, თუ კურსი ამ ვადის ამოწურვამდე არ დაწყებულა.
4. თუ მონაწილემ კურსზე რეგისტრაცია გააუქმა კურსის დაწყებამდე 2 (ორ) კვირაზე ნაკლებ ვადაში, ან კურსის დაწყების შემდეგ, მონაწილეს გადახდილი თანხა არ უბრუნდება.
5. თანხის დაბრუნება ხორციელდება იმავე გადახდის საშუალებით, რომლითაც განხორციელდა თანხის გადახდა. თანხის გაუქმების შემთხვევაში, თანხის ანგარიშზე დაბრუნებას შესაძლოა დასჭირდეს სამიდან ხუთ სამუშაო დღემდე.
6. ორგანიზატორს უფლება აქვს, საკუთარი შეხედულებით და მონაწილის სასარგებლოდ, ცალკეულ შემთხვევებში განსხვავებულად გადაწყვიტოს მონაწილისთვის თანხის დაბრუნების წესი, რაც არ წარმოშობს რაიმე პრეცედენტს ან ვალდებულებას სხვა შემთხვევებისთვის.

კურსის გადადება ან გაუქმება ორგანიზატორის ინიციატივით

1. ორგანიზატორს უფლება აქვს, ობიექტური მიზეზების არსებობისას, მათ შორის და არა მხოლოდ, საკმარისი რაოდენობის მონაწილის არარსებობის, ფორსმაჟორული გარემოებების გამო, გადადოს კურსის დაწყების თარიღი ან/და შეცვალოს კურსის განრიგი, რის შესახებაც მონაწილეს ეცნობება წინასწარ, შესაბამისი საკომუნიკაციო საშუალებებით.
2. ორგანიზატორის ინიციატივით კურსის სრულად გაუქმების შემთხვევაში, მონაწილეს უბრუნდება გადახდილი თანხის სრული ოდენობა, გარდა იმ შემთხვევისა, თუ მონაწილე დათანხმდება კურსზე რეგისტრაციის სხვა თარიღზე ან სხვა ჯგუფზე გადატანას.
3. ორგანიზატორი არ არის პასუხისმგებელი კურსის გადადების ან გაუქმებისას წარმოშობილ არაპირდაპირ ზიანზე ან ხარჯზე (მათ შორის, ტრანსპორტირების, განთავსების ან სხვა თანმდევ ხარჯებზე), რომელიც მონაწილემ გასწია კურსთან დაკავშირებით.
4. ფორსმაჟორული გარემოებები (სტიქიური უბედურება, ომი, საგანგებო ან საომარი მდგომარეობა, პანდემია/ეპიდემია, სახელმწიფო ორგანოს გადაწყვეტილება და სხვა ორგანიზატორის კონტროლს მიღმა არსებული გარემოება) ორგანიზატორს ათავისუფლებს კურსის დროულად ან სრულყოფილად ჩაუტარებლობის გამო წარმოშობილი პასუხისმგებლობისგან. ასეთ შემთხვევაში ორგანიზატორი შეეცდება შესთავაზოს მონაწილეს კურსის ალტერნატიული ფორმატი (მათ შორის, ონლაინ ან გადავადებული ფორმატი) ან თანხის დაბრუნება ორგანიზატორის შეხედულებისამებრ.

მონაწილის ვალდებულებები და ქცევის წესები

1. მონაწილე ვალდებულია დაესწროს კურსს სრულად და დროულად, დაემორჩილოს ხელმძღვანელის/ტრენერის მითითებებს და დაიცვას სასწავლო სივრცეში უსაფრთხოების წესები.
2. მონაწილის მიერ გაცდენილი მეცადინეობები მიზეზის მიუხედავად (მათ შორის, ავადმყოფობის ან პირადი მიზეზით) აღდგენას ან/და ფინანსურ კომპენსაციას არ ექვემდებარება. გაცდენილი მასალის ანაზღაურება ან ინდივიდუალური კონსულტაციის გაწევა შესაძლებელია განხორციელდეს მხოლოდ კურსის ხელმძღვანელის/ტრენერის პირადი ინიციატივითა და კეთილი ნებით.
3. კურსის წარმატებით დასრულების შემდეგ მონაწილეს გადაეცემა კურსზე მონაწილეობის დამადასტურებელი სერთიფიკატი. იმ შემთხვევაში თუ მონაწილე გააცდენს კურსის ფარგლებში ჩატარებული შეხვედრების 50%-ზე (ნახევარზე) მეტს, სერთიფიკატის გადაცემაზე საბოლოო გადაწყვეტილებას იღებს კურსის უშუალო ხელმძღვანელი/ტრენერი.
4. მონაწილე ვალდებულია აანაზღაუროს მიყენებული ზიანი ინვენტარის დაზიანების ან განადგურების შემთხვევაში, თუ ეს გამოწვეულია მისი დაუდევრობით ან განზრახი ქმედებით.
5. მონაწილე არ არის უფლებამოსილი ინტერნეტსივრცეში ატვირთოს კურსის ფარგლებში გადაღებული ფოტო/ვიდეო მასალა ორგანიზატორის წინასწარი წერილობითი თანხმობის გარეშე.
6. მონაწილე ვალდებულია პატივი სცეს სხვა მონაწილეებსა და ტრენერებს და თავი შეიკავოს ისეთი ქცევისგან, რომელიც ხელს შეუშლის კურსის ნორმალურ მიმდინარეობას. მკაცრად აკრძალულია ნებისმიერი სახის დისკრიმინაცია, მათ შორის რასის, სქესის, ასაკის, ენის, რელიგიის, შეზღუდული შესაძლებლობის, ეროვნული თუ ეთნიკური კუთვნილების ან სხვა ნიშნის მიხედვით.
7. ორგანიზატორი უფლებამოსილია მონაწილეს შეუზღუდოს ან შეუწყვიტოს კურსზე მონაწილეობა გადახდილი თანხის დაბრუნების გარეშე, თუ მონაწილე უხეშად და ხელმძღვანელების/ტრენერების მრავალჯერადი შენიშვნის მიუხედავად მაინც არღვევს კურსზე მონაწილეობის ქცევის წესებს, პატივს არ სცემს სხვა მონაწილეებსა ან/და ტრენერებს და მისი ქცევა ხელს უშლის კურსის ნორმალურ მიმდინარეობას.

ინტელექტუალური საკუთრება

1. კურსის ყველა სასწავლო მასალა, ლექცია, პრეზენტაცია და მეთოდოლოგია წარმოადგენს ორგანიზატორის ან/და კურსის ხელმძღვანელ(ებ)ის ინტელექტუალურ საკუთრებას.
2. მონაწილე ვალდებულია ორგანიზატორის ინტელექტუალური საკუთრება არ გადასცეს მესამე პირებს, არ ატვირთოს ინტერნეტსივრცეში საჯარო გამოყენებისთვის და არ გამოიყენოს პირადი კომერციული მიზნებისთვის ორგანიზატორის წინასწარი წერილობითი თანხმობის გარეშე.
3. მონაწილის მიერ კურსის ფარგლებში, საკუთარი ხელით შექმნილ ნამუშევარზე ვრცელდება მონაწილის საავტორო უფლება. ამასთან, მონაწილე ორგანიზატორს ანიჭებს უფლებას გამოიყენოს ნამუშევრის გამოსახულება (ფოტო/ვიდეო სახით) მარკეტინგული, საგამოფენო და საგანმანათლებლო მიზნებისთვის, ავტორის, მონაწილის სახელის მითითებით, სადაც ეს ტექნიკურად და გონივრულად შესაძლებელია.
4. ორგანიზატორს უფლება აქვს, გადაიღოს ფოტო და ვიდეო მასალა კურსის მიმდინარეობისას და გამოიყენოს იგი მარკეტინგული, საგამოფენო და საგანმანათლებლო მიზნებისთვის, მათ შორის საკუთარ ვებგვერდსა და სოციალურ ქსელებში. მონაწილე, კურსზე რეგისტრაციით, ეთანხმება წინამდებარე პუნქტს. მონაწილეს უფლება აქვს, ნებისმიერ დროს, წერილობითი მიმართვით გამოიხმოს ეს თანხმობა მომავალში გადასაღები მასალის ნაწილში. უკვე გამოქვეყნებული მასალის მოხსნა შესაძლებელია ორგანიზატორთან შეთანხმებით და გონივრულ ვადაში წერილობითი მიმართვის საფუძველზე.

პასუხისმგებლობის შეზღუდვა

1. მონაწილე კურსზე რეგისტრაციით ადასტურებს და იღებს პასუხისმგებლობას იმაზე, რომ მისი ჯანმრთელობის მდგომარეობა შესაძლებლობას აძლევს მას ყოველგვარი შეზღუდვის გარეშე მიიღოს მონაწილეობა პლასტიკური მასალების (თიხა, პლასტილინი, თაბაშირი და სხვა) გამოყენებასთან დაკავშირებულ სამუშაოში. მონაწილის მიერ ინფორმაციის დამალვა ან მცდარი ინფორმაციის მიწოდება ათავისუფლებს ორგანიზატორს ნებისმიერი პასუხისმგებლობისგან.
2. ორგანიზატორი არ არის პასუხისმგებელი:
3. კურსის განმავლობაში მონაწილის მიერ მიღებულ ფიზიკურ ტრავმაზე, თუ იგი გამოწვეულია მონაწილის დაუდევრობით, უსაფრთხოების წესების დარღვევით ან ტრენერის მითითებების უგულებელყოფით;
4. კურსზე გამოყენებულ მასალებზე მონაწილის ალერგიულ ან სხვაგვარ ინდივიდუალურ რეაქციაზე, გარდა იმ შემთხვევისა, თუ მონაწილემ წინასწარ, წერილობით აცნობა ორგანიზატორს არსებული ალერგიის ან უკუჩვენების შესახებ და ორგანიზატორმა ვერ უზრუნველყო შესაბამისი ღონისძიება;
5. სასწავლო სივრცეში მონაწილის პირადი ნივთების დაკარგვაზე, დაზიანებაზე ან მოპარვაზე;
6. მონაწილის მიერ კურსის შედეგად მიღწეულ კონკრეტულ პროფესიულ, კომერციულ ან შემოქმედებით შედეგზე. ორგანიზატორი უზრუნველყოფს კურსის კეთილსინდისიერ ჩატარებას, თუმცა არ იძლევა გარანტიას კონკრეტული სწავლის შედეგის მიღწევაზე.
7. ორგანიზატორის მთლიანი პასუხისმგებლობა მონაწილის წინაშე, ნებისმიერ შემთხვევაში შემოიფარგლება მონაწილის მიერ კონკრეტული კურსისთვის ფაქტობრივად გადახდილი საფასურის ოდენობით და არ მოიცავს არც ერთი ტიპის დამატებით ზიანს.
8. წინამდებარე მუხლით დადგენილი შეზღუდვები არ ვრცელდება იმ შემთხვევებზე, როდესაც ზიანი გამოწვეულია ორგანიზატორის განზრახი ან უხეში გაუფრთხილებლობით ჩადენილი ქმედებით, ან როდესაც პასუხისმგებლობის შეზღუდვა/გამორიცხვა კანონმდებლობით პირდაპირ დაუშვებელია.

პერსონალური მონაცემები და კონფიდენციალურობა

1. მონაწილის პერსონალური მონაცემების დამუშავება ხორციელდება ორგანიზატორის „პერსონალური მონაცემების დაცვისა და კონფიდენციალურობის პოლიტიკის“ შესაბამისად, რომელიც ხელმისაწვდომია ორგანიზატორის ვებ-გვერდზე და წარმოადგენს წინამდებარე დოკუმენტის განუყოფელ ნაწილს.
2. რეგისტრაციისა და გადახდის განხორციელებით მონაწილე ადასტურებს, რომ გაეცნო და ეთანხმება კონფიდენციალურობის პოლიტიკის პირობებს.

დავების გადაწყვეტა და მარეგულირებელი სამართალი

1. წინამდებარე დოკუმენტი რეგულირდება და განიმარტება საქართველოს მოქმედი კანონმდებლობის შესაბამისად.
2. დოკუმენტთან ან კურსზე მონაწილეობასთან დაკავშირებული ნებისმიერი დავის შემთხვევაში მხარეები შეეცდებიან გადაჭრან ის ურთიერთმოლაპარაკების გზით.
3. შეთანხმების მიუღწევლობის შემთხვევაში, დავა განიხილება საქართველოს კანონმდებლობით დადგენილი წესით, საქართველოს საერთო სასამართლოების მიერ, თუ ორგანიზატორი და მონაწილე დამატებით, წერილობით სხვაგვარად არ შეთანხმდებიან.

დასკვნითი დებულებები

1. დოკუმენტიდან გამომდინარე ნებისმიერი ოფიციალური შეტყობინება გაგზავნილი უნდა იქნეს წინამდებარე დოკუმენტის 11.6. პუნქტში მითითებულ ელ-ფოსტაზე. ელ-ფოსტაზე გაგზავნილი ოფიციალური შეტყობინება ითვლება ჩაბარებულად და გაგზავნის მომდევნო სამუშაო დღეს იძენს იურიდიულ მნიშვნელობას.
2. საკითხები, რომლებიც არ რეგულირდება წინამდებარე დოკუმენტით, დარეგულირდება საქართველოს მოქმედი კანონმდებლობის საფუძველზე;
3. თუ წინამდებარე დოკუმენტის რომელიმე პირობა, ბათილად ან ძალადაკარგულად იქნა ცნობილი, ეს არ იწვევს დანარჩენი პირობების ბათილობას.
4. წინამდებარე დოკუმენტი წარმოადგენს ორგანიზატორსა და მონაწილეს შორის სრულ და საბოლოო შეთანხმებას დოკუმენტში მოცემულ საკითხებთან დაკავშირებით და ანაცვლებს მანამდე არსებულ ნებისმიერ ზეპირ ან წერილობით შეთანხმებას იმავე საკითხზე, თუ ორგანიზატორი და მონაწილე დამატებით წერილობით სხვაგვარად არ შეთანხმდებიან.
5. ორგანიზატორის მხრიდან რომელიმე უფლების გამოუყენებლობა ან დაგვიანებით გამოყენება არ განიხილება ამ უფლებაზე უარის თქმად.
6. წინამდებარე დოკუმენტთან ან კურსთან დაკავშირებული შეკითხვების, მოთხოვნების ან საჩივრებისთვის, მონაწილეს შეუძლია დაუკავშირდეს ორგანიზატორს შემდეგი საკონტაქტო საშუალებით: info@factorytbilisi.com